अब …………….
खहरेमा धेरै गढ़गढ़ाएं
शान्त भै समुन्द्रमा तैरिनु छ अब
प्रतिस्पर्धामा धेरै दौडिएँ
धैर्य भएर अघि बढ्नु छ अब l
अभावमा धेरै भौंतारियें
निरन्तर श्रोतहरु जुटाउनु छ अब
लुच्छा चुँड़िमा जीवन पोखें
बाँकी जीवनमा प्रायश्चित गर्नु छ अब l
अरुको उक्साहटमा आफुलाई उरालें
जिन्दगीको मोल तौलनु छ अब
छिमेकीले घोडा चड्दा म धुरी चढें
विना शरम अवतरण गर्नु छ अब l
भोकै बसी मिठो खाएको बाहना गरें
सरिरले मागेको मात्र पुर्ती गर्नु छ अब
आफ्नै दलको दोहन गरें
नीति नियम बदल्नु पर्ने छ अब l
दम्भमा छदा खाँदाको २/३ भतकायें
छणभंगुरका चोइटा बटुल्नु छ अब
ठुलो बन्न धेरै पढेको नाटक गरें
खोक्रिएको ढाडस भर्नु पर्ने छ अब
फरक कित्तामा उभ्याउन छेपारो झैं रंग फेरें
फरकपनको नाटक छोड्नु छ अब
तम गुंडमा धेरै राज गरें
सतगुणको बाटो अपनाउनु छ अब l
