मेरो भिमरथारोहण
मेरो भिमरथारोहण, हो मेरो भिमरथारोहण
७० वर्ष ७ महिना ७ दिन ७ घडी तथा ७ पलामा
पर्यो मेरो भिमरथारोहण, मेरो भिमरथारोहण
मलाई सजाईयो तासको चोलो, दुपट्टाको सारी
र पछौरी तथा गर गहना र शृंगार सहित,
मेरो भिमरथारोहण, मेरो भिमरथारोहण।।
यस वर्षको पहिलो महिनाको २० तारिख तथा
१२:३० बजे दिउँसो मिल्यो साईत
७ वटा पानको पातमा कुल्चिन्दै, ग्रह दशादिको
दान पछि सजाईएको रथमा रथारोहण गर्ने साइत
मेरो भिमरथारोहण, मेरो भिमरथारोहण।।
एकातर्फ केटाहरु दाजु, भाइ, भतिजा, भदाहरु
अर्को तर्फ, भाउजू, बुहारी, भतिजा बुहारीहरु र भदै
सबैले होस्टेमा हैंसे गर्दै तान्न लागे रथ
यही थियो मेरो भिमरथारोहण।।
तर, मेरो आँखा बाट आँसु आएको रोक्नै सकिन,
छोराले सोध्यो, किन ममी रुनु भएको?
मैले भने - तिम्रो ड्याडी सम्झेर हो बाबु
मेरो भिमरथारोहण, मेरो भिमरथारोहण।
