डा वीरेन्द्र केसीका तिन मुक्तक
मुक्तक १
छोरीलाई देवी मान्दै, कति आफन्तहरू पाउँमै परिदिन्छन्,
जति सरकार आउँछन्, बोलिले त सबै अधिकारले भरिदिन्छन्,
तर यथार्थमा, नारीप्रति यति बिभेदि छ हाम्रो समाज,
आफ्नै बाबुले समेत छोरीलाई अंशबाट बञ्चित गरिदिन्छन्।
मुक्तक २
छोरा र छोरी बराबर हुन भन्ने नजान्नेहरूलाई,
अंश र बंश छोरा वरिपरि मात्र ठान्नेहरूलाई,
म कसरी मानसिकरूपमा स्वस्थ छौ तिमि भनु,
आफ्नै छोरीलाई पनि सन्तान नठान्नेहरूलाई।
मुक्तक ३
हारेका नेताहरू भाषण गर्न,
जितेका नेताहरू शासन गर्न।
कवि छन् तल्लिन, कविता लेख्दै,
भाषा जोगाउन, वाचन गर्न ।
